आर्थिक मदतीसाठी आंदोलन

म. टा. प्रतिनिधी, पिंपरीसमााजातील आर्थिक दुर्बल घटकातील व्यक्तींना प्रत्येकी तीन हजार रुपये मदत देण्याच्या निर्णयाची अंमलबजावणी व्हावी, या मागणीसाठी कष्टकरी जनता आघाडीतर्फे पिंपरी-चिंचवड महापालिकेच्या मुख्य प्रशासकीय इमारतीसमोर सोमवारी आंदोलन करण्यात आले. आयुक्त राजेश पाटील यांनी शिष्टमंडळास भेट नाकारल्याचा या वेळी निषेध करण्यात आला.शहरातील रिक्षाचालक, फेरीवाले, घरकाम करणाऱ्या महिला, गटई कामगार, जिम ट्रेनर यांना प्रत्येकी तीन हजार रुपये मदत करण्याचा निर्णय महापालिकेच्या सर्वसाधारण सभेमध्ये घेण्यात आला. परंतु, या निर्णयाची अंमलबजावणी महापालिका प्रशासनाकडून झालेली नाही.

लोकप्रतिनिधींना गाडण्याचे उदयनराजेंचे वक्तव्य, अजित पवार म्हणाले...

पुणे: लोकप्रतिनिधी नीट वागत नसतील तर त्यांना अडवा आणि गाडा असे वक्तव्य खासदार उदयनराजे भोसले यांनी केले होते. त्यावर उपमुख्यमंत्री अजित पवार यांना पत्रकारांनी प्रतिक्रिया विचारली असता त्यांनी एका वाक्यात याचे उत्तर दिले आहे. आपल्या खोचक प्रतिक्रियेद्वारे उपमुख्यमंत्री पवार यांनी खासदार उदयनराजेंना टोला लगावला आहे. (dy cm ajit pawar coments on statement made by mp udayanraje bhosale)उपमुख्यमंत्री अजित पवार हे वसंतदादा शुगर इन्स्टीट्यूट येथे आयोजित बैठकीला उपस्थित राहिले होते. या बैठकीला राष्ट्रवादी काँग्रेस पक्षाचे अध्यक्ष शरद पवार हे देखील उपस्थित होते.

राष्ट्रवादी दत्तात्रय भरणेंना पालकमंत्रिपदावरून हटवणार? जयंत पाटलांनी दिलं उत्तर

पुणे : उजनी धरणातील पाच अब्ज घनफूट (टीएमसी) पाणी हे इंदापूरसाठी वळवण्याच्या निर्णयानंतर सोलापूरकरांचा रोष पत्करावा लागलेले राज्याचे जलसंधारण राज्यमंत्री आणि सोलापूरचे पालकमंत्री दत्तात्रय भरणे (Solapur Dattatray Bharane) हे गेल्या काही दिवसांपासून चर्चेत आहेत. या पाणीप्रश्नावरून त्यांचं पालकमंत्रिपद जाणार असल्याचंही बोललं जात आहे. मात्र याबाबत आता राष्ट्रवादीचे प्रदेशाध्यक्ष जयंत पाटील (NCP Jayant Patil) यांनी महत्त्वपूर्ण खुलासा केला आहे.दत्तात्रय भरणे हेच सोलापूरचे पालकमंत्री राहणार असल्याचं जयंत पाटील यांनी मंगळवारी जाहीर केलं आहे.

अल्पवयीन मुलांनी केली दोघांना मारहाण;गुन्हा दाखल

म. टा. प्रतिनिधी, पिंपरीदुचाकीवरून जाणाऱ्या दोन भावांना सहा अल्पवयीन मुलांनी रस्त्यात अडवून बेदम मारहाण केली. ही घटना किवळे येथे नुकतीच घडली.अमोल संजय वाघमारे (वय २३, रा. किवळे) आणि दीपक वाघमारे अशी जखमींची नावे आहेत. अमोल यांनी देहूरोड पोलिस ठाण्यात फिर्याद दिली आहे.अमोल आणि त्यांचा भाऊ शनिवारी दुपारी पावणेतीनच्या सुमारास दुचाकीवरून किवळे येथील मुकाई चौक कॉर्नर येथे आले असता सहा अल्पवयीन मुले दुचाकीवरून आली. त्यांनी अमोल आणि दीपकला अडवले. शिवीगाळ करून एकाने अमोलच्या कपाळ, डोक्याच्या मागील बाजूला दगडाने मारून जखमी केले; तसेच दीपकच्या डाव्या हातावर मारून जखमी केले.

Pune crime : पादचारी तरुणाला लुटणारा चोरटा गजाआड

म. टा. प्रतिनिधी, पिंपरीपादचारी तरुणाला अडवून पाच हजार रुपये न दिल्यास तुला सोडणार नाही, अशी धमकी देऊन तरुणाच्या खिशातून आठ हजार रुपयांचा ऐवज जबरदस्तीने काढून घेतला. या प्रकरणी एकाला पोलिसांनी अटक केली आहे. ही घटना शनिवारी (१२ जून) सायंकाळी साडेपाचच्या सुमारास निगडीतील दुर्गानगर झोपडपट्टी येथे घडली.शिवा सुरेश येसनाळकर (वय २१, रा. दुर्गानगर, आकुर्डी) असे अटक केलेल्या आरोपीचे नाव आहे. प्रथमेश दिलीप कांबळे (वय १८, रा. यमुनानगर, निगडी) याच्या विरोधात गुन्हा दाखल करण्यात आला आहे. दिनेश राजेंद्र कांबळे (वय २१, रा. यमुनानगर, निगडी) यांनी निगडी पोलिस ठाण्यात फिर्याद दिली आहे.