ISIS : इसिसच्या नवीन म्होरक्याची नियुक्ती

सीरिया : इस्लामिक स्टेट (इसिस-ISIS) या कुख्यात दहशतवादी संघटनेचा म्होरक्या अबू अल-हसन अल-हाश्मी अल-कुरेशीचा एका चकमकीत मृत्यू झाल्याटी माहिती इसिसच्या प्रवक्त्याने टेलिग्राम चॅनलवर पोस्ट केलेल्या ऑडिओ संदेशात दिली आहे. यात प्रवक्ता म्हणाला आहे की, इसिसने अबू अल-हुसेन अल-हुसैन अल-कुरेशी याची दहशतवादी संघटनेचा नवा नेता म्हणून निवड केली आहे. अबू अल-हसन अल-हाश्मी अल-कुरेशी विरोधी गटाशी झालेल्या गोळीबारात मारला गेल्याचे प्रवक्त्याने सांगितले. मात्र ऑडिओमध्ये इसिसच्या नव्या नेत्याच्या नावाव्यतिरिक्त इतर कोणतीही माहिती देण्यात आलेली नाही.

Zombie virus : रशियात झोम्बी व्हायरस सापडला; फ्रेंच शास्त्रज्ञांकडून पुनरुज्जीवित

मॉस्को : रशियामध्ये गोठलेल्या एका तलावाखाली असलेल्या ४८,५०० वर्षे जुन्या ‘झोम्बी व्हायरस’ (Zombie virus) ला पुन्हा जिवंत केल्याचा दावा फ्रेंच शास्त्रज्ञांनी केला आहे.
आजपर्यंत हे विषाणू जणू बर्फाखाली कैद होते मात्र ते आता पुनरुज्जीवित झाल्याने साथीच्या आणखी एका आजाराची भीती निर्माण झाली आहे. महत्त्वाचे म्हणजे हा आजार संसर्गजन्य असू शकतो.

Airplane stuck : अमेरिकेत विजेच्या तारांमध्ये अडकले विमान!

वॉशिंग्टन (वृत्तसंस्था) : विजेच्या तारांमध्ये विमान अडकल्याचा धक्कादायक प्रकार अमेरिकेतील मेरीलँडमध्ये घडला. या अपघातात विमानातील दोघे जण जखमी झाले असून जवळपास ९० हजार घरांची बत्ती गुल झाली आहे. या अपघाताचा व्हीडिओ समाज माध्यमांवर व्हायरल झाला आहे.
गेथर्सबर्ग येथे ही घटना घडली. हे शहर अमेरिकेची राजधानी वॉशिंग्टनपासून ३८ किलोमीटर अंतरावर आहे. विमानातील दोघांना सुखरूप बाहेर काढण्यासाठी रेस्क्यू ऑपरेशन करण्यात आले.

Employee reductions : कंपनीतून रातोरात पाठवला न येण्याचा मेसेज ; २७०० कर्मचारी कपात

मिसिसिपी (वृत्तसंस्था) : जगभरात कंपनीतील कर्मचारी कपात काही थांबायचे नाव घेत नाही. (Employee reductions) अमेरिकेतील एका कंपनीने जवळपास २,७०० कर्मचाऱ्यांना रातोरात नारळ दिला. मिसिसिपी येथील फर्निचर बनवणारी ही कंपनी आहे.
अमेरिकेतील एका वृत्तपत्राने दिलेल्या वृत्तपत्रानुसार, युनायटेड फर्निचर इंडस्ट्रीज (यूएफआय) ने २१ नोव्हेंबरच्या मध्यरात्री कर्मचाऱ्यांना मेसेज पाठवला आणि ईमेल केला आणि त्यांना दुसऱ्या दिवशी कामावर न येण्यास सांगितले. यूएफआय ही बजेट फ्रेंडली ही कंपनी सोफे आणि रिक्लायनर्स बनवण्यासाठी ओळखली जाते.

London University : कृत्रिम डोळा तयार करण्यात यश

लंडन (वृत्तसंस्था) : संशोधनामध्ये दिवसेंदिवस प्रगती होत असून कृत्रिम डोळा तयार करण्यात शास्त्रज्ञांना यश आले आहे. (London University) लंडन विद्यापीठातील शास्त्रज्ञांनी या कृत्रिम डोळ्याचा शोध लावला आहे.
हा कृत्रिम डोळा मानवी नैसर्गिक डोळ्याप्रमाणे काम करेल. थ्रीडी मिनी आयला रेटिनल ऑर्गेनॉयड्स असे म्हटले गेले आहे. हा कृत्रिम डोळा बनवण्यासाठी मानवी त्वचेचा वापर करण्यात आला आहे. लंडन विद्यापिठातील शास्त्रज्ञांनी या कृत्रिम डोळ्याचा शोध लावला आहे. या मिनी थ्रीडी डोळ्यामध्ये डोळ्याची बाहुली आणि रेटिना देखील आढळते.