नवी दिल्ली : ‘जर मागण्या मान्य करायच्या नसतील तर सरकारने स्पष्ट सांगावे, त्यामुळे मागणी करणारे लोक विषय तरी सोडून देतील. देश चालविणाऱ्या सरकारला खोटे बोलणे शोभत नाही. जेव्हा सरकार अडचणीत येते, तेव्हा खोटी आश्वासने देऊन वेळ मारून नेते,’ असे पत्र ज्येष्ठ समाजसेवक अण्णा हजारे यांनी पंतप्रधान नरेंद्र मोदी यांना लिहिले आहे.

कलकत्ता : पश्चिम बंगाल विधानसभा निवडणूक हळूहळू जवळ येऊ लागली असून, बंगालमधील राजकीय वातावरण तापू लागलं आहे. राजकीय नेत्यांची पळापळवी सुरू असल्याचं दिसत आहे. काही दिवसांपूर्वीच मुख्यमंत्री आणि तृणमूलच्या नेत्या ममता बॅनर्जी यांचे वर्तुळातील सुवेंदू अधिकारी यांनी भाजपात प्रवेश केला. त्यानंतर पहिल्यांदाच ममता बॅनर्जी यांनी सुवेंदू अधिकारी यांच्या राजकीय गडात शक्ती प्रदर्शन करत नंदीग्राममधून विधानसभा निवडणूक लढवण्याची घोषणा केली.