शिमला : हिमाचल प्रदेशात काँग्रेसनं ४० जागा मिळवत भाजपला पराभूत केलं आहे. काँग्रेसला ४०, भाजपला २५ आणि अपक्षांना ३ जागांवर विजय मिळाला. हिमाचल प्रदेशच्या निवडणुकीत भाजपनं ११ आमदारांचं तिकीट कापलं होतं. तर, दोन मंत्र्यांना त्यांचा मूळ मतदारसंघ सोडून दुसऱ्या मतदारसंघातून निवडणूक लढवण्यास सांगितलं होतं. हिमाचलच्या शिमला शहर या विधानसभा मतंदरासंघाची देशभर चर्चा झाली होती. कारण, भाजपनं मंत्री सुरेश भारद्वाज यांना दुसऱ्या मतदारसंघातून उमेदवारी देत शिमला शहरमध्ये संजय सूद हा चहावाला उमेदवार दिला होता. भाजपच्या हा प्रयोग अंगलट आल्याचं निवडणूक निकालाच्या माध्यमातून दिसून आलं आहे.