कोल्हापूर : वाढीव वीज बिलांविरोधात जिल्हाधिकारी, प्रांत, तहसील व महावितरण कार्यालयासह प्रत्येक गावांतील चौकात 13 जुलैला वाढीव वीज बिलाची होळी आंदोलन करण्यात येणार आहे, अशी माहिती राज्य वीज ग्राहक संघटनेचे अध्यक्ष प्रताप होगाडे यांनी आज येथे पत्रकार परिषदेत दिली. राज्य इरिगेशन फेडरेशन व राज्य वीजग्राहक संघटनेतर्फे राज्यातील वीस जिल्ह्यांहून अधिक जिल्ह्यात आंदोलन होणार असून, तीन महिन्यांची 300 युनिटसपर्यंतची घरगुती वीज बिले शासनाने भरावीत, अशी मागणी करण्यात येणार असल्याचे त्यांनी सांगितले.
