Ayodhya Land Scam : 'हत्या झाली तरी बेहत्तर...', आप खासदाराचा भाजपवर निशाणा

Primary tabs

नवी दिल्ली : अयोध्येत श्री राम जन्मभूमी तीर्थ क्षेत्र ट्रस्टवर जमीन घोटाळ्याचा आरोप करणारे आम आदमी पक्षाचे राज्यसभेचे खासदार संजय सिंह यांनी मंगळवारी आपल्या घरावर अज्ञातांकडून हल्ला झाल्याचा आरोप केला आहे. 'माझी हत्या झाली तरी बेहत्तर पण मंदिरातलं दान चोरी होऊ देणार नाही', असं म्हणत संजय सिंह यांनी अज्ञातांकडून आपल्या घराच्या पाटीवर काळं फासल्याचं म्हटलंय. यावेळी त्यांचा निशाणा भाजपवर होता. 'माझ्या घरावर हल्ला झाला आहे. भाजपावाल्यांनो कान खुले ठेऊन ऐका... प्रभू श्री रामाच्या नावावर मंदिरातील दानाची चोरी होऊ देणार नाही... मग माझी हत्या झाली तरी बेहत्तर' असं ट्विट संजय सिंह यांनी केलंय.

8351022383535086यावेळी, त्यांनी सोशल मीडियावर एक व्हिडिओ संदेशही जाहीर केलाय. 'हा ११५ कोटी हिंदुंचा अपमान आहे. आपल्या पोटाला चिमटे काढत मंदिरासाठी दान देणाऱ्या कोट्यवधी रामभक्तांचा हा अपमान आहे. या दानाची कुणी चोरी करत असेल तर वारंवार मी प्रश्न विचारेन. देणगी चोरांना तुरुंगात टाकायला हवं' असं या व्हिडिओमध्ये संजय सिंह म्हणताना दिसत आहेत.

संजय सिंह यांनीच रविवारी लखनऊमध्ये अयोध्येतील राम जन्मभूमी जमीन घोटाळ्यासंबंधी ट्रस्टचे महासचिव चंपत राय यांच्यावर आरोप केले होते. ट्रस्टच्या वतीनं चंपत राय यांनी संस्थेचे सदस्य अनिल मिश्रा यांच्या मदतीनं दोन कोटी रुपयांची जमीन साडे अठरा कोटी रुपयांना खरेदी केली. हे सरळ सरळ 'मनी लॉन्ड्रिंग'चं प्रकरण असल्याचंही संजय सिंह यांनी म्हटलं होतं. या प्रकरणाची सीबीआय आणि अंमलबजावणी संचलनालयाकडून चौकशी करण्यात यावी, अशी मागणीही संजय सिंह यांनी केली होती. 8353237983534043मोबाइल अॅप डाउनलोड करा आणि राहा अपडेट