चिराग यांच्या हातून पक्षाध्यक्ष पदही निसटलं; दुसरीकडे बंडखोर खासदार निलंबित

Primary tabs

पाटणा : लोक जनशक्ती पक्षात पडलेल्या दुफळीत जोरदार घमासान युद्ध सुरु असल्याचं दिसतंय. एकीकडे पशुपती कुमार पारस यांच्या गटानं चिराग पासवान यांना अध्यक्ष पदावरून दूर केलंय. तर दुसरीकडे चिराग पासवान यांनी पाच बंडखोर आमदारांना निलंबित करण्याची घोषणा केलीय. पारस गट जोरात मंगळवारी, चिराग यांचे काका पशुपती कुमार पासर यांच्या गटानं चिराग पासवान यांना संसदीय दलाच्या नेते तसंच पक्षाध्यक्ष पदावरून हटवलंय. त्यांच्याऐवजी सूरजभान यांची कार्यकारी अध्यक्षपदी नियुक्ती करण्यात आलीय. पारस गटाच्या नेत्यांनी लोजपाच्या 'एक व्यक्ती एक पद' नियमाचा दाखला देत चिराग यांना राष्ट्रीय अध्यक्ष पदावरून अलगद दूर केलं. चिराग पासवान यांनी तीन - तीन पदं एकाच वेळी आपल्या ताब्यात घेतल्याचं कारण या नेत्यांनी पुढे केलंय. 83508739 83534043चिराग पासवान गटाचं म्हणणं तर दुसरीकडे, चिराग पासवान यांनी पक्षाच्या राष्ट्रीय कार्यकारिणीची बैठक पाचारण केलीय. तसंच पक्षातील पाचही बंडखोर खासदारांनी निलंबित करण्याची घोषणाही चिराग यांनी केलीय. चिराग पासवान समर्थकांच्या म्हणण्यानुसार, मुख्यमंत्री नितीश कुमार यांनी लोक जनशक्ती पक्षात फूट पाडलीय. परंतु, आपण पशुपती पारस यांना नाही तर चिराग पासवान यांनाच आपले नेते मानत असल्याचंही या गटानं म्हटलंय. रामविलास पासवान यांनी पशुपती पारस यांना आमदार - खासदार पदापर्यंत पोहचवलं आणि पारस यांनी पासवान यांच्या पुत्राच्या पाठीत खंजीर खुपसला. जर पारस एखाद्या गोष्टीवर नाराज होते तर त्यांनी अगोदर चिराग पासवान यांच्याशी संवाद साधणं गरजेचं होतं, असं चिराग पासवान गटाच्या नेत्यांनी म्हटलंय. चिराग यांचं भावूक ट्विट बैठकीपूर्वी चिराग यांनी आपले काका पशुपती पारस यांच्यासाठी एक भावूक ट्विट केलंय. 'वडिलांच्या मृत्यूनंतर तुमच्या वागणुकीनं मी तुटलोय. मी पक्ष आणि कुटुंबाला एकत्र ठेवण्यात अपयशी ठरलो' असं म्हणत चिराग यांनी एक जुनं पत्रंही शेअर केलयं.

पशुपती कुमार पारस हे दिवंगत नेते रामविलास पासवान यांचे छोटे बंधु आहेत. लोजपाच्या सहापैंकी पाच खासदार पारस गटात सहभागी आहेत. यात चंदन सिंह, प्रिन्स राज, वीणा देवा आणि महबूब अली कैसर यांचाही समावेश आहे. या बंडखोरीमुळे पशुपती पारस किंवा त्यांच्या गटाच्या एखाद्या नेत्याला मोदी सरकारच्या संभाव्य मंत्रिमंडळ विस्तारात जागा मिळू शकते, असंत म्हटलं जातंय. 83537121 मोबाइल अॅप डाउनलोड करा आणि राहा अपडेट