Ayodhya Land Scam: अयोध्येत कोणताही जमीन घोटाळा नाही, योगींचा निर्वाळा

Primary tabs

अयोध्या : अयोध्येत उभारल्या जाणाऱ्या भव्य राम मंदिराच्या जमीन खरेदी घोटाळ्याच्या आरोपांची मुख्यमंत्री योगी आदित्यनाथ यांनीही गंभीरतेनं नोंद घेतलीय. यासंबंधी मुख्यमंत्री योगींनी जिल्हाधिकाऱ्यांकडून संपूर्ण माहिती मागवली आहे. अधिकाऱ्यांनी जमीन खरेदीशी नगडीत कागदपत्रं मुख्यमंत्र्यांसमोर ठेवले आहेत. मिळालेल्या माहितीनुसार, मुख्यमंत्री योगी आदित्यनाथ यांनी सोमवारी राम जन्मभूमी ट्रस्ट, अयोध्येचे जिल्हाधिकारी तसंच आयुक्तांकडून या प्रकरणाची माहिती घेतली. अधिकाऱ्यांनी दिलेल्या माहितीवर योगी आदित्यनाथ संतुष्ट असल्याचं सांगण्यात येतंय. अयोध्येतील राम मंदिर जमिनीच्या खरेदीविक्रीत कोणताही घोटाळा समोर आला नसल्याचा निर्वाळाही योगी आदित्यनाथ यांनी दिलाय. विरोधकांची टीका अयोध्येतील चर्चित राम मंदिराचा जमीन घोटाळा समोर आल्यानंतर अनेक भक्तांनाही धक्का बसला होता. ट्रस्टच्या पदाधिकाऱ्यांवर भ्रष्टाचाराचे आरोप होत आहेत. चंपत राय यांनी २ कोटींची जमीन १८.५ कोटी रुपयांना विकत घेतल्याचा आरोप काही समाजवादी पार्टी आणि आपच्या नेत्याकडून करण्यात आला होता. काँग्रेस नेत्यांकडून याविरोधात आंदोलनही करण्यात आलं. तर 'श्रद्धा आणि भक्तीभावानं कोट्यवधी लोकांनी देवाच्या चरणी दान केलं. या देणगीचा गैरवापर करणं हा अन्याय आहे, पाप आहे तसंच भक्तांच्या विश्वासाचा अपमान आहे' असं ट्विट काँग्रेस महासचिव प्रियांका गांधी वाड्रा यांनी केलंय.

83510223 83532379चंपत राय यांचं स्पष्टीकरण या घोटाळ्याचा आरोप असलेले श्री राम जन्मभूमी ट्रस्टचे महासचिव चंपत राय यांनी आरोपांवर स्पष्टीकरण दिलंय. 'या जमिनीची किंमत १४२३ रुपये प्रती स्क्वेअर फूट आहे. बाजारभावाच्या तुलनेत ही किंमत कमी आहे. सरकारी कराचा दुरुपयोग होऊ नये यासाठी आम्ही नेट बँकिंगद्वारे पैशांची देवाण - घेवाण केली. जमीन घोटाळ्याचे आरोप चुकीचे आहेत. ज्या लोकांनी हे आरोप केले आहेत त्यांना आमच्याशी संवाद साधणंही गरजेचं वाटलं नाही' असं चंपत राय यांनी म्हटलंय. 83534043 83509360मोबाइल अॅप डाउनलोड करा आणि राहा अपडेट