मुलगाच हवा म्हणून छळ, 'तिहेरी तलाक'नंतर महिलेची कोर्टात धाव

Primary tabs

नवी दिल्ली : देशात 'तिहेरी तलाक कायदा' अस्तित्वात आल्यानंतरही तिहेरी तलाक प्रकरण समोर येत आहेत. आता देशाची राजधानी असलेल्या दिल्लीसारख्या मोठ्या शहरातून एक प्रकरण समोर आलंय. या प्रकरणातील पीडित महिलेनं मुलगा न झाल्यानं पतीकडून शारीरिक-मानसिक छळ करण्यात आल्याची तक्रार केलीय. पीडित महिलेचं नाव हुमा हाशिम असल्याचं समजतंय. 80344261पीडिता हुमा हाशिम यांना जून २०२० मध्ये त्यांच्या पतीनं तिहेरी तलाक दिला. मुलाला जन्म न दिल्याची शिक्षा देण्यात आल्याचं हुमा यांनी म्हटलंय.हुमा हाशिम यांना त्यांच्या पतीपासून दोन मुली आहेत. या मुलींचं वय २० वर्ष आणि १८ वर्ष आहे. तिहेरी तलाक देणाऱ्या पतीनं मुलींची जबाबदारी घेण्यास तसंच पोटगी किंवा उदरनिर्वाह भत्ता देण्यास नकार दिल्यानंतर हुमा यांच्यासमोर मोठा प्रश्न उभा राहिला. 80342765याविरुद्ध हुमा हाशिम यांनी प्रथम पोलिसांकडे धाव घेतली होती. परंतु, पोलिसांकडून त्यांना मदत मिळाली नाही. यानंतर महिलेनं आपल्या दोन मुलींसहीत न्यायालयाकडे न्यायाची मागणी केल्यानं हे प्रकरण उजेडात आलंय. 80341599हुमा यांनी केलेल्या आरोपानुसार, पतीला सुरुवातीपासून मुलाची अपेक्षा होती. परंतु, मुलगा न झाल्यानं याचा राग तो मुलींवरही काढत होता. त्यांना मारहाण करत होता. एकदा मुलींना मारहाण करताना आईनं त्यांना वाचवण्याचा प्रयत्न केला. यावेळी, पतीनं हुमा यांनाही लाथाबुक्क्यांनी मारहाण केली आणि तिहेरी तलाक देत त्यानं सपशेल कुटुंबाची जबाबदारी झटकली.

80330046देशात तिहेरी तलाक कायद्यानुसार मुस्लिम महिलांना कायदेशीर संरक्षक कवच मिळाले आहे. या कायद्यामुळे तीन तलाक देणाऱ्याची तीन वर्षांसाठी थेट तुरुंगात रवानगी करण्याची तरतूद करण्यात आलीय. विशेष म्हणजे पीडित महिलेची बाजू ऐकून घेतल्याशिवाय तलाक देणाऱ्यास जामीन न देण्याची तरतूदही या कायद्यात करण्यात आली आहे. 80340019मोबाइल अॅप डाउनलोड करा आणि राहा अपडेट